📄 Abstract
Ang pag-aaral na ito ay isang kwalitatibong-penolohikal na pananaliksik na nagsiyasat sa mga paghihirap, hamon, at mga paraan ng pagharap ng mga mag-aaral na mamamahayag sa pamahayagang pangkampus. Sa pamamagitan ng purposive sampling, sampung kalahok ang pinili upang lumahok sa masusing panayam na naglalayong maunawaan ang kanilang mga karanasan. Sa tematikong pagsusuri ng mga datos, natukoy ang tatlong pangunahing paghihirap na kinahaharap ng mga mag-aaral, kabilang ang kakulangan sa oras, kakulangan sa kasanayan at pagsasanay, at emosyonal na pagkapagod. Sa aspeto naman ng hamon, lumitaw ang kakulangan sa kalayaan sa pagpapahayag, kawalan ng malinaw na direksyon mula sa pamunuan, at tensyon sa pagitan ng mga miyembro ng pamahayagan. Bilang tugon sa mga ito, natukoy din ang tatlong paraan ng pagharap ng mga mag-aaral, tulad ng pagsusumikap sa sariling pagkatuto, pakikipag-ugnayan at pagtutulungan sa kapwa, at paninindigan sa layunin ng pamamahayag. Ang mga natuklasan ay nagbibigay ng mahahalagang implikasyon para sa mga tagapayo, pamunuan, at mananaliksik upang mapabuti ang kalagayan at kasanayan ng mga mag-aaral na mamamahayag sa pamahayagang pangkampus.
🏷️ Keywords
📚 How to Cite:
Jonarie P. Canlom, Josephine B. Baguio , MGA PANANAW, KARANASAN AT HAMON NG MGA MAG-AARAL NA MAMAMAHAYAG SA PAMAHAYAGANG PANGKAMPUS , Volume 11 , Issue 7, july 2025, EPRA International Journal of Multidisciplinary Research (IJMR) , DOI: https://doi.org/10.36713/epra23337